Copat e para për disa fëmijë janë ndarë nga Berisha, Kryeministri Hashim Thaçi, Presidentja Atifete Jahjaga dhe Kryebashkiaku i Tiranës, Lulzim Basha.
Më pas atmosfera ndryshoi dhe njerëzit u sulën me babëzi mbi tortë, duke ofruar pamje vërtetë skandaloze. Jo vetëm që të babëzitur u sulën mbi tortë duke e futur nëpër qese dhe tasa, por shumë prej tyre kishin hipur mbi tortë duke gjuajtur me copat e saj.
Jehona e tortës në mediat ndërkombëtare
Jehona e tortës gjigante me rastin e 100-vjetorit të Pavarësisë së Shqipërisë mbërriti përtej Adriatikut.
Agjencia italiane e lajmeve, Ansa shkruan për ndërtimin e tortës gjigante me ngjyrat kuqezi dhe ekspozimit të saj në qendër të Tiranës.
“Për ndërtimin e tortës u shpenzuan rreth 100 mijë euro dhe u angazhuan rreth 200 pastiçierë”, shkruan agjencia italiane.
